صفقوا طويلا
طاطي رأسك طاطي طــــاطي أنت ف وطن ديمقراطـــــــي أنت بتنـــعــــم بالحــــــــــرية بس بشرط تكون مطاطــــــي
لما تكون شغــال بذمــــــــــة خايف على مصــلحة الأمــة شغلك يطلع من غير لازمــة علشان مبيعلاش غير واطي طاطي راسك طاطي طاطـــي أنت ف وطن ديمـــــقراطي
لما حاميها يكون حراميــها وبلاده ورا ضهره رامـيـها طالع نازل واكل فيـــــــــها مسنود بالبدلة الظباطــــي طاطي راسك طاطي طاطـــي أنت ف وطن ديمـــــقراطي
ولأن فعلا انجازاتك ....... فوق طاقتنا نعدها
ولأننا غرقنا في جمايل ...... مستحيل حنردها
نستحلفك ........ نسترحمك
نستعطفك ......... نستكرمك
ترحمنا من طلعة جنابك حبتين
عايزين نجرب خلقة تانية ولو يومين
اسمع ...... بقي
إحنا زهقنا من النعيم ... ونفسنا في يومين شقا
عايزين نجرب الاضطهاد ... ونعوم ونغرق في الفساد
بيني وبينك حضرتك ..... دا شعب فقرى مايستحقش جنتك
أنا عارفه شعب ماينفعوش ..... إلا شارون وبلير وبوش
عايز يجرب الامتهان ... عميل للأمريكان
غازه ..... ويومين كمان ويمد نيل لإسرائيل بيمد
أهو يعنى نشرب ميه واحدة...ندوب في بعض.....ماء وماء وماء....ونفض سيرة الانتماء
وبلاها نعرة وطنطنة
تبقى البلاد مستوطنة....(متسلطنة بالسرطنة
إيه اللي خدناه م الكرامة والإباء
ورضينا بخيار السلام... بخيارحنسد عين الشمس بيه..علشان مايطلعش النهار
لمين؟ ويطلع.. حبة معارضة..... مغرضين؟
وحسب بيان السلطة.... شلة مأجورين؟
ياعم فضك سيرة... وارضى بقسمتك.... دا شعب مش فاهم أكيد
يالا اطرده من رحمتك......وإن كنت غاوي الحكم..... خليك مطرحك
حاغطس واقب وأعود..... بشعب يريحك..... راضى وعمره مايجرحك
أخرس ومايسمعش.....وأعميلك عينيه
مش كل قرش يبص فيه....مايقولش لأه، وفين، وليه
يضرب ينفض في السليم.....وعلى الصراط المستقيم.....كل اللي يعرف ينطقه
عاش الزعيم.....الزعيم يحيا
الجمعة, 08 رجب, 1429
مبارك باقٍ «ما دام في الصدر قلب ينبض
مبارك حتى الموت
ده شعب فقرى
نظرا لأن النعمة فاقت حدها ...... ولأننا مش قدها
لاعه
تخهح
تخها
الا
(0) تعليقات
أضف تعليقا
أضف تعليقا
<<الصفحة الرئيسية
